Në Komunikimin Javor, kreu i qeverisë Edi Rama konsideroi si objektivin më të madh të mandatit të dytë qeverisës, integrimin në Bashkimin Europian.
Madje që të mundësohet sa më shpejt, Rama tha se ishte gati të bënte një pakt me opozitën e Luzim Bashës, por se s’gjeti mbështetjen e duhur.
“I kam lutur kundërshtarët tanë për një pakt për të arritur sëbashku këtë qëllim dhe për disa objektiva me interes kombëtar, si përgjigje kam marrë mallkime pa hesap dhe akuza pa kufi, të cilat tregojnë se ata që sot drejtojnë opozitën, jo vetëm nuk kanë as vizion e as ide të rëndëishme për t’i ofruar Shqipërisë por nuk kanë as forcën morale ta vënë Shqipërinë mbi interesat e tyre të vajtueshme. Ndjej keqardhje të thellë për ta. ,- tha kryeministri.
