Një 42-vjeçar shqiptar është ekzekutuar me armë zjarri në qendër të qytetit të Krefeld, në veriperëndim të Duseldorfit, në Gjermani.
Ngjarja e rëndë ka ndodhur mbrëmjen e së hënës rreth orës 20:00 dhe sipas BILD shqiptari ishte duke lëvizur me biçikletë në pjesën jugore të qytetit të njohur si Garnstraße.
Autori ose autorët mësohet se e kanë qëlluar në pjesën e pasme të kokës nga një distancë e shkurtër, me sulmin që duket si një ekzekutim i pastër.
Gjatë natës, zona është kontrolluar gjerësisht me një skaner 3D.
Ende po vijojnë kërkimet për autorin ose autorët e arratisur. Deri më tani nuk ka asnjë arrestim.
