Një ditë më parë, Dua Lipa mori nënshtetësinë shqiptare nga Presidenti Bajram Begaj.
Sot, gjatë konferencës që dha për mediat para koncertit, këngëtarja u pyet nëse tashmë që ka marrë pasaportën do të shohë edhe për një të dashur shqiptar.
E vendosur disi në siklet, Dua e ka anashkaluar një përgjigje direkte me buzëqeshjen që e karakterizon, duke thënë vetëm se “nuk e di”.
“Oh motër, këtë se di”, u shpreh këngëtarja me famë botërore.
Ndërkohë, Lipa zbuloi gjithashtu se çfarë u thotë miqve të saj të huaj për Shqipërinë, duke e vendosur theksin te kultura jonë mikpritëse.
“Kemi një kulturë shumë mikpritëse. Kjo është gjëja e parë që kam qejf t’ju tregoj njerëzve, që kur të vini tek ne do të ndiheni si pjesë e familjes, si në Kosovë dhe Shqipëri”, tha Dua.
