Këngëtarja shqiptare me famë botërore Rita Ora, është bërë pjesë e thesarit të pullave postare të Filatelisë së Postës së Kosovës.
Sipas Postës, pulla me imazhin e Ritës, do të nxirret në qarkullim ditën e shtunë, më 26 nëntor, ditën e ditëlindjes së këngëtares.
Drejtoresha Ekzekutive e Postës së Kosovës, Fakete Kadiu, ka shprehur mirënjohje për Ritën dhe është nder për ta që të nderojnë këngëtaren në këtë mënyrë.
“Është një nder për Posten e Kosovës të nderoj Rita Orën. Ajo na ka dhuruar aq shumë momente të bukura dhe krenari të pafund me këngë, performancë dhe koncerte madhështore. Kjo pullë e bukur le të jetë edhe si dhuratë simbolike e Kosovës për këngëtaren tonë, në këtë ditë të veçantë për të, për kontribut të jashtëzakonshëm për vendin dhe kombin tonë“, ka thënë Kadiu.
