Gazetarja Ola Xama komentoi në emisionin ‘Çim Peka Live’ në Syri Tv fjalimin e kryeministrit Edi Rama për Portin e Durrësit. Ola Xama tha se përgjigjet e Edi Ramës për këtë projekt kanë rezultuar të pasakta në atë që shkruhet në dokumenta.
“Marrëveshje që u premtua se do ishte me Emaar, po shohim një kompani tjetër. U tha se është projekt që investitori do investojë 2.1 mld euro, por do investojë 160 mln euro, 80 mln të vetat dhe 80 kredi nga bankat. Jo se janë pak para, por as 1/10 e asaj që u premtua”, tha Xama.
Ola Xama tha më tej se kryeministri Edi Rama me dokumente nuk sqaroi as pronarët e garantorit të kompanisë, që rezultojnë offshore ndërsa Belinda Balluku nuk tregoi studimin e fizibilitetit.
“Balluku tha që projekti i ri do kushtojë 390 mln euro por nuk pamë studimin e fizibilitetit dhe hartimin e projektit të detajuar sa do jetë vlera totale e investimit. U duk më shumë si një retorikë politike sesa një përgjigje me fakte që ne presim që të gjithë që të sqarohemi”, tha Xama.
