Agron Kapllanaj ka konfirmuar kandidaturën për Bashkinë Mallakastër në një intervistë televizive këtë të Mërkurë.
“Vendimi për të kandiduar nuk është ambicie as ofiqe personale, por detyrim ndaj qytetarëve që më kanë besuar ndër vite dhe fatkeqësisht i braktisëm në vitin 2019”, tha ai për “Ora News”.
“Demokratët do të dinë të zgjedhin. Unë e kam dëshmuar në ditë të vështira se ju kam shërbyer atyre. Ju kam shërbyer demokratëve dhe socialistëve pa dallime. E kur nuk kam bërë këto dallime, nuk mund të shoh dallime brenda familjes time politike”, shtoi.
I pyetur a ka negociuar apo do të negociojë me PD-në e drejtuar nga Berisha, Agron Kapllanaj tha:
“Unë do të jem kandidat. Partia ime, siç e thashë dhe e kam thënë, janë qytetarët mallakastriot. Atyre u detyrohem dhe do jem aty për ta”.
