Një ngjarje e rëndë ka ndodhur në qytetin e Podujevës, në Kosovë.
Sipas mediave vendase, një 16-vjeçare dyshohet se u sulmua seksualisht nga 3 persona në kohën kur e mitura kishte dalë nga shtëpia për të shkuar për të blerë bukë në një furrë të qytetit.
16-vjeçarja pasi doli nga furra është rrëmbyer nga një burrë, i cili e ka future në makinë për ta çuar disa kilometra larg.
Ndonëse prindërit e mohojnë se një gjë e tillë i ndodhi vajzës së tyre, sipas KlanKosova me rastin e vajzës me inicialet B.A., e cila dyshohet të ketë edhe probleme psikike po merret departamenti për të miturit.
Babai tregoi se e bija e tij u mashtrua në këmbim të blerjes së disa ushqimeve dhe u dërgua në Fushë-Kosovë, por aty sipas tij, e bija nuk u sulmua seksualisht nga askush.
Por sipas KlanKosova e mitura dyshohet se edhe mund të jetë trafikuar atë ditë. Për këtë shkak, njësia Anti-trafikim pas urdhrit të prokurorit e mori dhe e dërgoi në një strehimore.
