Shtatë kandidatët në garë për Primaret e bashkisë së Tiranës nga Partia Demokratike kanë nisur prezantimin e programit të tyre për kryeqytetin tek qytetarët.
Në një prej takimeve, mjeku epidemiolog Ilir Alimehmetaj i cili synon të drejtojë Tiranën është shprehur se do të sjellë konceptin e politikës së të ndjerit Sokol Olldashi në bashki, duke iu referuar fushatës zgjedhore të viti 2007 kur ish-ministri i Transporteve sfidoi kryeministrin Rama.
“Unë do ju risjell një koncept që e keni dëgjuar dhe më parë në 2007 nga i ndjeri Olldashi, mekanizimi i ekuilibrit mes përgjegjësive dhe karrierës, që bazohet mbi modelin e inventari të një kontributi dhe kontrivuteve të secilit anëtar dhe secilit qytetar. Të shkojë haka te i zoti. Drejt kësaj mund të shkojmë vetëm bashkë. Ekspertët do të kenë një rol të rëndësishëm, por në rast se vendimet e ekpertit nuk shkojnë linjë me qytetarin, atëherë eksperti duhet rrëzuar”, u shpreh Alimehmeti.
Alimehmeti shtoi se dita më e rëndësishme që pritet të nisë ndryshimi është 14 maji, pra dita e zgjedhjeve lokale dhe jo 4 dhjetori kur demokratët do të votojnë për të zgjedhur kandidatin e tyre të preferuar për të garuar përballë Erion Veliajt.
“Angazhimi im i parë në PD ka qenë në 2001-shin. Kjo për çështje moshe. Tani unë rikthehem në një moment të vështirë për PD-në. Kjo pasi i gjithë pushteti është në krahun tjetër. Unë jam njeri i punës jo i fjalës. Është figura më përbashkuese që na sjell më shumë vota. Duhet të kthejmë edhe vota të majta. Është e mundur nëse e bëjmë punën si duhet. Dje ju në ditën e primareve votoni me datën e 14 majit në kokë, ditën e primareve. Vetëm pas saj nisin diskutimet për platformat. Mund t’ju jap tre linjat e shpejta; ndërprerja e pacenueshmërisë, urbanistika dhe taksat”, tha ai.
