Ministri i jashtëm i Koresë së Veriut paralajmëroi për një test të mundshëm bërthamor atmosferik mbi Oqeanin Paqësor dhe kjo duhet të merret parasysh fjalë për fjalë, tha një zyrtar i lartë i Koresë së Veriut për CNN në një intervistë të transmetuar të mërkurën.
“Ministri i Jashtëm është shumë i vetëdijshëm për qëllimet e liderit tonë suprem, kështu që unë mendoj se ju duhet të merrni fjalët e tij fjalë për fjalë si i thotë,” tha për CNN Ri Yong Pil, një diplomat i lartë në Ministrinë e Jashtme të Koresë së Veriut.
Ministri i jashtëm i Koresë së Veriut Ri Yong Ho tha muajin e kaluar se Penian mund të marrë në konsideratë kryerjen e “shpërthimit më të fuqishëm” të një bombë hidrogjeni mbi Oqeanin Paqësor si pasojë e tensioneve në rritje me Shtetet e Bashkuara.
Ministri bëri koment pasi Presidenti i SHBA Donald Trump paralajmëroi se Shtetet e Bashkuara do të “shkatërronin tërësisht” Korenë e Veriut, e cila po punon për të zhvilluar raketa bërthamore të aftë për të goditur Amerikën, nëse kërcënohet nga Shtetet e Bashkuara.
Shefi i CIA-s Mike Pompeo tha javën e kaluar se Koreja e Veriut mund të jetë vetëm disa muaj larg arritjes së aftësisë për të goditur Shtetet e Bashkuara me armë bërthamore.
Ekspertët thonë se një test atmosferik do të ishte një mënyrë për të demonstruar aftësitë ë saj për a berë këtë gjë. Të gjitha testet e mëparshme bërthamore të Koresë së Veriut janë kryer nën tokë tani paralajmerohen teste në Oqeanin Paqësor Trump javën e ardhshme do të bëjë një vizitë në Azi gjatë së cilës ai do të ushtrojë presion mbi Korenë e Veriut që të heqë dorë nga programet e saj bërthamore dhe raketore.
Strategjitë e deritanishme nuk kanë arritur të ndalojnë Pheniani që të kryejë teste të bombës bërthamore në një objekt nëntokësor dhe teste me raketa balistike në Oqeanin Paqësor mbi Japoninë. Pavarësisht nga retorika luftarake dhe paralajmërimet e përsëritura të SHBA-së se të gjitha opsionet, duke përfshirë dhe ato ushtarake, janë te mundshme, zyrtarët e Shtëpisë së Bardhë thonë se Trump po kërkon një zgjidhje paqësore të bllokimit.
