Policia ka ndaluar këtë të premte shtetasin në kërkim I. T., 30 vjeç.
Blutë bëjnë me dije se më datë 15.11.2022, në rrugën Vishocicë-Trestenik, duke drejtuar automjetin tip “Benz”, pa leje drejtimi, ky shtetas ka humbur kontrollin dhe për pasojë automjeti ka dalë nga rruga.
“Specialistët e Trafikut Urban dhe Interurban të DVP Korçë ndaluan shtetasin në kërkim I. T., 30 vjeç, banues në fshatin Vishocicë, Devoll, për veprat penale “Shkelja e rregullave të qarkullimit rrugor”, “Drejtimi i automjeteve në mënyrë të parregullt” dhe “Largimi nga vendi i aksidentit”. Ky shtetas, më datë 15.11.2022, në rrugën Vishocicë-Trestenik, duke drejtuar automjetin tip “Benz”, pa leje drejtimi, ka humbur kontrollin dhe për pasojë automjeti ka dalë nga rruga”, njofton policia.
Më pas, 30-vjeçari është larguar nga vendi i aksidentit, për të shmangur veprimet procedurale nga Policia.
