Shkencëtarët dhe publiku në kinë kanë mbetur të shokuar nga pamjet që vijnë nga një fermë nga rajoni i Mongolisë, ku një tufë delesh prej 12 ditësh ecin pa u ndalur duke krijuar një rreth në vathën e tyre.
Delet mund të shihen duke ecur rreth e rrotull në një lëvizje të vazhdueshme në drejtim të akrepave të orës. Spektakli befasues i ka lënë njerëzit të tronditur dhe konfuzë teksa përpiqen t’i japin kuptim sjelljes së kafshëve të imta në videon që është bërë tashmë virale në rrjet.
Pronarja e deleve, zonja Miao mbeti e shtangur nga çfarë po ndodhte me kopenë e saj.
Miao tha se rrethi nisi të krijohej nga vetëm disa dele përpara se anëtarët e tjerë të kopesë të bashkoheshin.
Në pamjet e filmuara nga CCTV që u filmua në qytetin Baotou më 4 nëntor qindra dele mund të shihen duke ndjekur njëra-tjetrën në një rreth.
Nuk dihet se çfarë i bëri delet të silleshin në këtë mënyrë dhe të prodhonin këtë shfaqje që ka çuditur rrjetin.
Ekziston një sëmundje që bën që disa kafshë të duken të çorientuara dhe të fillojnë të qarkullojnë. Ajo quhet “Listerioza” dhe mund të ndezë njërën anë të trurit dhe të bëjë që delja të sillet në një mënyrë të çuditshme, por nuk është konfirmuar nëse ky është rasti kur delet janë infektuar.
Shkencëtarët kanë studiuar prej kohësh pse disa kafshë të tjera si peshkaqenët dhe breshkat lëvizin në modele rrethore. Megjithatë, ata ende nuk kanë arritur në një përfundim për arsyen.
