Kreu i Partisë së Lirisë, Ilir Meta ka hedhur akuza të forta ndaj kryeministrit Edi Rama për të cilin tha se është organizatori i grabitjes së “Portit të Durrësit”.
Gjatë një postimi në rrjetet sociale, Meta ka thekuar se nuk është aspak investim strategjik ashtu siç thotë Rama, por një mega-aferë që ka në thelb korrupsionin.
Reagimi nga Ilir Meta:
“Sot kryeministri është në akuzë përpara të gjithë shqiptarëve sepse ai është organizatori dhe përfituesi i grabitjes së Portit të Durrësit. Porti i Durrësit nuk është një investim strategjik, por një mega aferë që ka në thelb korrupsionin, pastrimin e parave dhe dëmtimin strategjik të Shqipërisë”, shkruan Meta teksa poston videon më poshtë.
