Kryetari i PD-së, Sali Berisha deklaroi këtë të Hënë në një emision televiziv se akuzat e Britanisë ndaj tij lidhur me dizenjmin “non grata”, nuk qëndrojnë.
Berisha akuzoi për korrupsion ambasadorin e Britanisë në Shqipëri, Alastair King-Smith. Sipas Berishës, ai ka gisht në këtë vendim.
“Do dalin fakte të reja lidhur me ambasadorin britanik dhe do shohin se Berisha kishte të drejtë”, deklaroi kreu i PD.
“Se Britania e madhe është shtet ligjor. Vërtet është marrë një masë por ka kanal zyrtar ligjor që detyrohesh të apelosh para se të shkosh në gjykatën tjetër dhe aty do dëgjoni ju, do shihni shkallën ekstreme të korrupsionit të tij, të paimagjinueshme”, paralajmëroi Berisha.
Kreu i PD vijoi më tej: “Vetëm korrupsioni mund ta bëjë atë, të akuzosh Berishën se për lidhje me krimin për x bandë, vetëm se unë kisha akuzuar për diçka tjetër në një kohë kur ajo bandë është denoncuar nga Berisha 10 herë më shumë se të gjithë denoncimet e bëra nga politikanët shqiptarë dhe që mjafton të hapësh të fitesh në gogle, merr çdo bandë dhe shif denoncimet e mia…”
– Ju ka akuzuar për lidhje me Suel Çelën?
Berisha u përgjigj: “S’ka rëndësi, rëndësi ka që ajo bandë mbi bazën e një korrupsioni të plotë monetar, politik ose shtrati, dhe asgjë tjetër”…
“Kur të marrësh vesh faktin s’mund tu besosh veshëve”, shtoi, pa dhënë të tjera detaje.
Më tej, hodhi poshtë dhe akuzat e Britanisë se ka ndikuar në mënyrë të paligjshme në pasurimin e Damir Fllaziç, ish-këshilltarit të tij.
