Qytetarët janë grumbulluar para Kryeministrisë për protestën e thirrur nga opozita.
Në qendër të Tiranës janë mbledhur qytetarë nga rrethet e veriut dhe jugut.
Në duar ata mbajnë pankarta, me mesazhe ironizuese përmes karikaturave, ku ndër to spikatet “Faleminderit që na qite në dritë”, “Mafia Soros non grata! Të ndalojmë axhendën e shpopullimit të Shqipërisë”,, “Rama është brand në Korrupsion”, “Oligark”.
Ndërkohë situata para selisë së qeverisë duket e qetë. Kryetari i Partisë Demokratike, Sali Berisha është shprehur se protesta do të jetë paqësore, ndërsa policia e shtetit ka marrë masa për bllokim aksesh rrugore.
