Dejvi Bregu ka shënuar një gol me vlerë për ekipin e tij Boluspor teksa kanë mposhtur me rezultatin 2-1 skuadrën e Tarsusit, në Kupën e Turqisë duke avancuar për më të tej.
Vlonjati ka shënuar golin e përkohshëm të 2-0 në minutën e 63′ dhe më pas ekipi kundërshtar ngushtoi diferencën në minutën e 72′ me penallti me autor Akçakin.
Ndërsa goli i parë i takimit dhe i Bolusporit u realizua në minutën e 57′ me Demir. Për ish-sulmuesin e Skënderbeut, Luftëtarit, Teutës dhe Flamurtarit ishte goli i parë në këtë sezon në 12 ndeshje në të gjitha kompeticionet, teksa 27-vjeçari ende nuk ka dhuruar asnjë asist.
