Një derbi mes 2 skuadrave shqiptare në Maqedoninë e Veriut, Shkupi dhe Shkëndija e Tetovës, ka përfunduar në dhunë.
Ndeshja është ndërprerë pasi pas golit të shënuar nga Shkëndija disa nga tifozët e Shkupit u futën në fushë dhe filluan ti sulmojnë futbollistët kundërshtarë.
Sfida e vlefshme për kupë u zhbllokua nga miqtë tetovarë në minutën e nëntë. Por ky gol shkaktoi zemërim të madh tek ultrasit vendas.
Pjesëtarë të grupimit “Shvercerat” jo vetëm kanë hedhur tymuese dhe flakadanë ndaj futbollistëve miq, por disa janë futur në fushë dhe kanë sulmuar lojtarët e Shkëndijës.
Hera herës në derbin shqiptar të Maqedonisë ka përplasje të tilla. Ndonëse këtë hera sherri ndodhi mes ‘Shvercave’ dhe futbollistëve në rastet e tjera tifozëritë janë përplasur me njëra-tjetrën.
