Abbie Jarvis, 13-vjeçarja autike nga Glasgoë, u gjet e rrahurpara disa kohësh. Mamaja e të miturës thotë se vajza e saj mund të mos kthehet më në shkollë, për shkak të traumes dhe ankthit.
Sipas Mirror.UK, Angela Jarvis, tregon se pas nje shëtitjeje me miqtë, e gjen Abbie-n në makinen e një prej prindërve, tërësisht pa ndjenja. Në kokë dhe fytyre kishte shenja të dukshme goditjesh të forta.
Duke parë gjendjen e saj rruges për në spital, mamaja dyshonte se vajza mund të kishte përjetuar dëmtime në tru. Doktorët menjëherë e paralajmëruan se Abbie mund të kishte pësuar dëmtime në kafkë.
”Ishte e tmerrshme ta shikoja ashtu dhe kjo më shkatërroi. As nuk mund ta imagjinoj që ka qenë e shtrirë diku, në dhimbje, duke u lutur që të ndalonin goditjet”, shprehet mamaja e Abbie.
Angela gjithashtu thotë se nuk është e sigurt nëse vajza e saj do vazhdojë të shkojë në shkollë si normalisht. Ajo tashmë vuan nga ankthi, dhe kërkon gjithnjë qe mamaja ti qëndrojë pranë. Ajo shtoi se Abbie vuante nga autizmi para sulmit, dhe nuk kishte pak kohe që më në fund ishte ndierë rehat me të bërit miq të rinj.
“Do jetë vendimi i Abbie nëse do shkollohet në shtëpi apo jo. I pëlqen të shoqërohet me miqtë e saj, por është akoma shumë e trembur. Vendimin po ja lë asaj.” shtoi Angela.
