Sekretari i Përgjithshëm i NATO-s, Jens Stoltenberg ka reaguar për situatën e krijuar në veri të Kosovës pas largimit të Listës Serbe nga institucionet vendase. Stoltenberg ka zhvilluar një bisedë telefonike me Aleksandër Vuçiçin dhe Albin Kurtin ku i kërkoi të vetëpërmbahen.
Sipas kreut të NATO-s, çdo veprim i njëanshëm do të shkaktojë përshkallëzim të situatës. Në një postim në Twitter, Stoltenberg thotë se forcat e KFOR do të jenë të gatshme të ndërhyjnë nëse do të ketë përshkallëzim.
Postimi i Jens Stoltenberg:
Bisedova me Aleksandër Vuçiç dhe Albin Kurtin për situatën e tensionuar në veri të Kosovës. I kërkova të dy liderëve që të përmbahen nga çdo veprim i njëanshëm që mund të shkaktojë përshkallëzim. Dialogu është e vetmja rrugë përpara. KFOR do të jetë vigjilent
