Një marrëveshje midis Francës dhe Britanisë së Madhe për vendosjen e oficerëve britanikë në plazhet franceze, me qëllim zgjidhjen e krizës së emigrantëve që tentojnë të kalojnë Kanalin me gomone, ka dështuar në minutat e fundit, pasi Emmanuel Macron është tërhequr prej saj.
Marrëveshja duket se ka qenë e përpiluar gjatë kohës që Liz Truss tha në fushatën e saj se presidenti francez duhet të ndante mendjen ishte mik apo armik i Britanisë.
Që atëherë kriza e azilkërkuesve është përkeqësuar, me mbi 40,000 emigrantë që kanë kaluar Kanalin për këtë vit.
Mësohet se ekipi nga Londra shpresonte që Macron të dilte dhe ta përshëndeste marrëveshjen prej 50 milionë paund, por gjithçka dështoi.
Një burim i afërt me bisedimet tha për TheSun: “Do të ishte hera e parë që nga Lufta e Dytë Botërore që do të kishim parë trupa britanike në tokën franceze. Por kjo dështoi të realizohej”.
Sipas marrëveshjes, Forca Kufitare dhe zyrtarë të tjerë do të vendoseshin në Francë në përpjekje për të goditur bandat e trafikut të njerëzve, për të cilat Londra zyrtare pretendon se drejtohen nga shqiptarët.
Plani gjithashtu do të përfshinte më shumë para për ndarjen e inteligjencës dhe dronët suervejues.
Por pasi zonja Truss tha se ishte ende e paqartë nëse Macron ishte mik apo armik, presidenti francez e qortoi atë duke thënë: “Ne po shkojmë drejt problemeve serioze”.
Ish-zyrtarë të brendshëm të qeverisë së Truss kanë thënë se presidenti francez donte të rinegocionte një marrëveshje më të mirë me kryeministren e re asokohe. Madje dyshja më vonë ranë dakord për të mbajtur një samit të përbashkët të Francës në Mbretërinë e Bashkuar, por marrëveshja ngeli peng e retorikës.
