Një oficer policie në Kretë është sulmuar me thikë gjatë aksionit për arrestimin e një personi.
Siç shkruajnë mediat greke ngjarja ka ndodhur në Kissamos të Chanias. Gjithçka ka nisur kur efektivët morën një padi për kanosje dhe dëmtim të pasurisë, vepra që rëndonin mbi një 56-vjeçar.
Oficerët e policisë kanë nisur operacionin për kapjen por gjatë arrestimit ai ka bërë rezistencë.
Në një moment ka nxjerrë një thikë dhe ka plagosur një efektiv policie 54-vjeçar në sy, faqe dhe vetull.
Polici 54-vjeçar është dërguar në Qendrën Shëndetësore Kissamos ku ka marrë disa qepje, ndërsa sipas mjekëve fatmirësisht plagët kanë qenë sipërfaqësore.
Më në fund 56-vjeçari u arrestua dhe tashmë përballet me akuzën e dhunës ndaj oficerëve dhe, dëmtim të rrezikshëm trupor si dhe akuzë për armëmbajtje.
