Fundjava pritet të jetë nën ndikim të kushteve atmosferike të paqëndrueshme.
Dita e shtunë parashikohet me mot kryesisht të vranët dhe intervale të shkurtra kthjellimi.
Reshje shiu priten që në ortë e para të 24-orëshit në pjesën më të madhe të vendit me intensitet të ulët deri mesatar në formën e shtrëngatave shoqëruar me shkarkesa elektrike.
Në jugperëndim dhe veriperëndim të vendit lokalisht reshjet fitojnë intensitet deri të lartë, parashikon Shërbimi Meteorologjik Ushtarak.
Era do të jetë nga kuadrati i jugut me shpejtësi mesatare 1-8m/sek, e cila hera-herës përgjatë vijës bregdetare dhe në momentin e zhvillimit të vranësirave fiton shpejtësi deri në 15-18m/sek. Dallgëzimi në dete pritet i forcës 3-4 ballë.
