Gjyqtari por edhe shkrimtari Hasan Selimi ka bashkuar Shqipërinë e Madhe nëpërmjet promovimit të veprave të tij.
Pikërisht në qytetin e Gjakovës, djep i kulturës u mblodhën shkrimtarë nga Tirana, Shkodra , Tropoja ,Prishtina, Peja dhe Gjakova për të promovuar tre libra të shkrimtarit Hasan Selimi.
Pjesmarrja e madhe dhe shkrimtarë të njohur nga dy anët e Shqipërisë ishin një vlerësim i madh për autorin.
Të gjithë referuesit vlerësuan veprat e autorit. Referuesit Sadik Bejko, Islam Lahukaj , Sejdi Berisha, Hamit Aliaj e Tahir Bezhani analizuan me detaje tre librat e autorit duke shprehur konsiderata vlerësuese për Hasan Selimin.
Ndërsa aktori kosovar Sulejman Loka interpretoi pjesë nga librat e shkrimtarit Hasan Selimi.
Autori i tre veprave, i emocionuar nga vlerësimet u shpreh se do të vijojë të shkruajë për lexuesit shqiptar. Tre veprat e gjyqtarit Hasan Selimi janë: “Antologjia e Ëndrrës”, “E drejta Ndërkombëtare Publike dhe e Ardhmja Botërore” si dhe “Hije dheu”.
Prej mbi 40 vitesh, Selimi është gjyqtar në Gjykatën e Rrethit Gjyqësor, Shkodër.
