Gerard Pique, ka njoftuar këtë të enjte tërheqjen e tij nga futbolli profesionist në moshën 35-vjeçare. Lojtari i Barcelonës heq dorë nga një vit e gjysmë kontratë, ndeshjet e fundit me fanellën e katalanasve do t’i luajë këtë të shtunë dhe të martën (në transfertë).
Spanjolli ka qenë prej vitesh një ikonë e ekipit nga Camp Nou, duke dhënë një kontribut të rëndësishëm për ekipin dhe arritjen e objektivave. Mbrojtësi gëzoi një karrierë prestigjioze 18-vjeçare si lojtar, në të cilën fitoi 35 trofe dhe luajti nën drejtimin e disa prej trajnerëve më të mëdhenj të futbollit.
Pique gjithashtu ka arritur të fitojë nëntë tituj të ligës në Angli dhe Spanjë, katër Liga të Kampionëve, një medalje fituesi të Kupës së Botës dhe Kampionatin Evropian me Spanjën, të cilën e përfaqësoi 102 herë.
Pique ishte përfshirë në listën provizore me 55 lojtarë të Spanjës për Kupën e Botës në Katar, duke e bërë edhe më surprizë tërheqjen e tij.
Gerard Piqué announces he is retiring from football and will play his last match for Barcelona this Saturday 🔵🔴 pic.twitter.com/yCe6gg9sk7
— B/R Football (@brfootball) November 3, 2022
