Ka përfunduar gjyqi ndaj Lefkothea Karasa, 82-vjeçare nga Narta e Vlorës, e cila u akuzua për ndërtim paligjshëm për një kotec pulash në oborrin e shtëpisë.
Gjykata e Vlorës vendosi pafajësi dhe pushimin e çështjes, pasi vepra penale nuk ekziston për faktin se ishte dënuar më parë për të njëjtin fakt.
E moshuara që jeton e vetme tregoi me lot në sy për mediat se policia e kishte marrë me dhunë dhe e kishte futur në furgon.
Ajo tha se ndihej e trembur nga gjithë kjo situatë, të cilën s’e përballonte dot për moshën që ka.
