Mbrojtësi Esin Hakaj i ka dhuruar 3 pikët Vllaznisë në përballjen me Kukësin. Ai shënoi golin e vetëm për shkodranët duke u konsideruar padyshim lojtari i ndeshjes.
Shënuat një gol të rëndësishëm duke i dhënë fitoren ekipit, si ndjeheni?
“Ky gol ishte i rëndësishëm sepse na dha 3 pikët. Normalisht jam shumë i lumtur pasi goli im shërbeu që ne të fitonim. Shpresoj që të mos kemi më problemet që patëm radhën tjetër dhe që të vazhdojmë kështu me fitore”.
Vllaznia në shumë ndeshje ka vërtetuar që shënon e para, por në momentin e fundit duket sikur tërhiqet. Pse ndodh kjo, si mendoni ju?
“Nuk e di, mund të jetë ngërçi që na zë minutat e fundit. Shpresojmë që mos ndodhë më, të vazhdojmë të luajmë ashtu si kemi luajtur”.
Një gol i vecantë për ty, si tu duk?
“Ishte gol i bukur, normalisht që më pëlqeu shumë”
A është një dedikim për dikë ky gol?
“Normalisht është për familjen time”, është shprehur ai në një prononcim për “Oversport”.
