Zëvendëskryeministrja dhe njëherësh ministrja e Energjisë dhe Infrastrukturës, Belinda Balluku ka theksuar se çmimi i energjisë momentalisht nuk është rritur.
Gjatë një debati me deputetët demokratë, ministrja habiti të gjithë teksa tha se çmimi i energjisë është “në dorë të Zotit”, ndërsa bëri me dije se konsumi ka rënë ndjeshëm.
“Çmimi i energjisë nuk është rritur. Uroj që çmimi i energjisë mos të rritet, por këto janë punët e Zotit! Jo nuk ja kemi lënë Zotit, po do intensitet kapital infrastruktura e energjisë dhe do kohë. 4% e konsumatorëve, kalojnë 800 kilovat. Në muajin me konsumin më të lartë të vitit kemi 58 mijë familje. Fashat janë vendosur kudo. Nëse do të ketë reshje shiu. E kemi lënë të hapur për ta parë deri në datën 7 nëse do kemi prurje. Do të jetë fat nëse nuk do ta vendosim atë fashë. Fakt është që konsumi ka rënë ndjeshëm”, u shpreh Balluku.
Ministrja bëri gjithashtu me dije se është ndërprerë kontrata koncersionare për rrugën Milot-Balldren, pasi kishte mangësi në elementët e nevojshëm për zbatimin e saj. Gjithashtu edhe kryeministri Edi Rama ka thënë se fasha e energjisë prej “800 kilovatësh” do të aplikohet nëse muaji nëntor rezulton i thatë pa reshje shiu.
