Një ngjarje e rëndë ka ndodhur mbrëmjen e djeshme në Mykonos, ku protagonist ishin pesë shqiptarë.
Sipas medies helene prothema.gr ngjarja ka ndodhur në orën 20:50 me orën lokale në zonën Drafaki të Mykonos kur pesë banditët shqiptarë kanë hyrë në një zyrë pranë një rezidence ku jetonin dy bashkëatdhetarët e tyre.
Sipas dëshmive të viktimave, ata mbanin në duar shufra hekuri dhe pistoleta Glock, të cilat përdoren kryesisht nga policia dhe ushtria për të shtënat.
Grupi i shqiptarëve kanë dhunuar dy bashkëatdhetarët e tyre duke përdorur doreza metalike me të cilat i kanë qëlluar dhe në kokë viktimat e tyre.
Sipas dëshmitareve okularë, njëri nga pesë banditët ka kërcënuar dy bashkatdhetarët për hesape të palara nga vera.
Shqiptarët e plagosur u dërguan me makinë private në Qendrën Shëndetësore të Mykonos ku iu dha ndihma e parë. Aty mjekët konstatuan se ata kishin lëndime si në kokë ashtu edhe në trup.
Po sipas informacioneve të protothema.gr, banditët shqiptarë kanë arritur të largohen me 40 mijë euro që kanë gjetur brenda zyrës dhe më pas janë zhdukur në drejtim të panjohur.
