Një 52-vjeçar është vënë në pranga sot në Tiranë pasi përpunonte dhe tregtonte mish pa u regjistruar në organet kompetente dhe pa zbatuar kushtet higjeno-sanitare.
Policia ka sekuestruar 450 kg mish pule pas kontrolleve në ambientet e magazinës.
“Nga kontrolli i ushtruar dhe nga verifikimet e kryera ka rezultuar se shtetasi B. H., banues në Tiranë, përpunonte dhe tregtonte mish, në magazinën e tij, në rrugën “Myslym Keta”, jashtë të gjitha kushteve higjeno-sanitare.
Në vijim të veprimeve u bë arrestimi në flagrancë i shtetasit B. H., 52 vjeç, për veprat penale “Prodhimi dhe shitja e ushqimeve dhe e lëndëve të tjera të rrezikshme për shëndetin”, “Mashtrimi me produktet ushqimore” dhe “Fshehja e të ardhurave”.”- njofton policia.
Materialet i kaluan Prokurorisë, për veprime të mëtejshme procedurale.
