Është larguar nga qendra e të moshuarve në Pejë, Kosovë, e moshuara e cila është dhunuar nga punonjëset e këtij institucioni.
Familjarët e të moshuarës kanë deklaruar për mediat se ngjarja ka ndodhur para 3-4 ditëve dhe se zonja Minire(e dhunuara) vuan nga Alzheimer.
Dhëndri i të moshuarës thotë se vjehrra e tij është nëna e dëshmorit Tualant Nura, i cili ka humbur jetën në moshën 17-vjeçare.
“Unë jam Erzen Bala, jam dhëndrri i palës së dëmtuar. Zoja Minire është banore e kësaj qendre thuajse për një vit. Me publikimin e videos në rrjete sociale jemi shqetësuar të gjithë, bashkëshortja kërkoi menjëherë me e bo tërheqjen, kështu që është duke u pritur vendimi nga menaxhmenti me e dhënë, normalisht me përmbajtjen që banorin e tërheqim për shkak të asaj që është parë në video, përdorimit të dhunës ndaj Minire Nures. Minire Nura është edhe nëna e dëshmorit e cila ka humbë djalin në moshën 17 vjeçare, që është edhe shumë më e dhimbshme. Jo nuk kemi ndonjë vërejtje, vjehrra është vizitu kohë pas kohë thuajse që dy herë, tre herë në javë prej vajzës së saj dhe farefisit të vet. Nuk kemi pas dhe nuk dimë që diçka ka ndodhë Fatkeqësia është që zonja vuan nga Alzheimer, kështu që nuk ka mundur me hetu diçka. Rasti ka ndodhur para 3-4 dite.”
Dhuna ndaj të moshuarës u bë virale në rrjet ku ishim me mijëra mesazhet që dënonin aktin e rëndë dhe sjelljen e punonjëses.
Për këtë ngjarje mjaft të rëndë ka patur reagime edhe nga ana e institucioneve si dhe politikanëve në Kosovë por edhe në Shqipëri.
