Një 29-vjeçar është arrestuar nga policia në Tiranë këtë të Martë, ndërsa është shpallur në kërkim bashkëpunëtori i tij.
Policia bën me dije se këta shtetas kanë shantazhuar dhe kanosur për jetën, shtetasin T. M., për t’u dhënë atyre 150 000 paund, ndryshe do e vrisnin.
“Falë veprimeve profesionale, nga specialistët për Hetimin e Krimeve të Komisariatit të Policisë Nr. 6, brenda pak orësh, është bërë lokalizimi dhe arrestimi në flagrancë i shtetasit: Vasel Koçeku, 29 vjeç, banues në Malësi të Madhe, i dënuar më parë për vjedhje dhe armëmbajtje pa leje, si dhe u shpall në kërkim shtetasi Omer Braja., 39 vjeç, banues në Shkodër, për veprën penale “Shtrëngimi me anë të kanosjes ose dhunës për dhënien e pasurisë” kryer në bashkëpunim”, njofton policia.
Ndërkohë vijon puna për kapjen e 39-vjeçarit, ndërsa aterialet i kaluan Prokurorisë, për veprime të mëtejshme procedural.
