Manuel Neuer është kthyer në dilemën më të madhe, jo vetëm në “Allianz Arena”, por edhe në kombëtaren e “Pancerave”.
Fillimi i kompeticionit më të rëndësishëm në rang përfaqësuesesh dhe prezenca e kapitenit Neuer shihet në rrezik pas ridëmtimit të fundit në seancat individuale.
Kahn ka dashur t’i zbusë qëndrimet dhe ta zhvendosë fokusin diku tjetër, por pa e anashkaluar si diskutim, duke pohuar: “Optimizmi nuk mungon rreth gjendjes së Manuelit, pavarësisht se ai vazhdon të vuajë ende dhimbjet në shpatull.
Trajtimi i një rasti të tillë kërkon kujdes dhe inteligjencë, por i fundit që do ta ndërmarrë vendimin final mbi çështjen ‘Botëror’ është vetë ai”, theksonte CEO nga Mynihu.
53-vjeçari e kaloi më pas fokusin te njeriu i ndeshjes ndaj Mainz, Sadio Mane: “Të shikosh Mane duke vallëzuar me topin në fushë është fantastike. Gjithçka e kryen me shumë pasion dhe përulësi dhe kjo shërben si tregues për të kuptuar vlerën e këtij lojtari. Jam i bindur se në janar do të kënaqemi më shumë me të në lojë”, tha Kahn.
