Sekretarja e Prokurorisë së Shkodrës është proceduar penalisht pasi akuzohet se fotografoi kërkesën për ekstradimin nga Turqia në Shqipëri të Ibrahim Licit.
Sekretarja e Prokurorisë së Shkodrës akuzohet për zbulim të akteve ose të dhënave sekrete.
Disa ditë më parë, në media u publikua kërkesa për ekstradimin nga Turqia të Ibrahim Licit.
“Si rezultat i hetimeve të deritanishme, janë grumbulluar të dhëna që tregojnë se shkresa e publikuar në media është fotografuar fillimisht nga shtetasja K.G., me detyrë sekretare në Seksionin e Ekzekutimeve dhe Marrëdhënieve Juridiksionale me Jashtë në Prokurorinë pranë Gjykatës së Shkallës së Parë Shkodër, e më pas kaluar nga aparati i saj celular, shpërndarë dhe publikuar në media. Ndaj shtetases K.G., është marrë menjëherë masa e ndërprerjes së marrëdhënieve të punës në prokurori, ndërkohë që po procedohet edhe penalisht për kryerjen e veprës penale “Zbulimi i akteve ose të dhënave sekrete”, parashikuar nga neni 295/a i Kodit Penal”, njofton prokuroria e Shkodrës.
