Drejtori i CIA-s, Mike Pompeo ka paralajmëruar se Koreja e Veriut është në prag të mundësisë për të goditur Shtetet e Bashkuara me një raketë bërthamore.
Ai theksoi se Uashingtoni ende preferonte diplomacinë dhe sanksionet, por tha se forca ushtarake mbetet një opsion.
Koreja e Veriut pretendon se tashmë ka aftësinë për të goditur SHBA.
Pompeo tha gjithashtu se një çift amerikan-kanadez peng i liruar javën e kaluar në fakt ishte mbajtur në Pakistan, dhe jo në Afganistan siç u supozua fillimisht.
Ai tha se kanadezi Joshua Boyle dhe gruaja e tij amerikane Caitlan Coleman ishin “mbajtur për pesë vjet brenda Pakistanit”.
