Policia Rrugore e Fierit ka arrestuar katër shoferë pasi janë konstatuar se drejtonin makinat në gjendje të dehur apo pa patentë.
“Janë ushtruar kontrolle të shumta në të gjitha akset rrugore të qarkut, jo vetëm për menaxhimin e trafikut dhe për parandalimin e aksidenteve rrugore, por edhe për evidentimin, verifikimin dhe ndëshkimin e atyre drejtuesve që drejtojnë mjetet në gjendje të dehur, që kryejnë manovra të rrezikshme në rrugë, nuk vendosin rripin e sigurimit apo përdorin celularin gjatë drejtimit të mjetit.
Nga kontrollet e ushtruara, gjatë javës që lamë pas janë arrestuar 4 shtetas për drejtim mjeti në gjendje të dehur ose pa leje drejtimi.
Gjithashtu, janë pezulluar 74 leje drejtimi, për shpejtësi tej normave të lejuara dhe 5, për drejtim mjeti nën efektin e alkoolit.”-njofton policia.
