Mançester Junajtid ka marrë një fitore minimaliste ndaj Uest Hem në javën e 12-të të Premier Ligës. Djemtë e Erik ten Hag kanë dominuar pothuajse të gjithë sfidën, por vetëm pak para mbarimit të pjesës së parë zhbllokuan sfidën.
Në minutën e 38′, me një krosim të mrekullueshëm nga Kristian Eriksen, Rashford shkundi rrjetën përmes një goditjeje me kokë si Ronaldo.
Një ditë para ditëlindjes së tij të 25-të, Markus Rashford shënon golin e 100-të tek “Djajtë e Kuq”. Ai bëhet lojtari i parë që arrin këtë rekord, pas Uejn Runit në vitin 2009.
Pas fitores së sotme, tashmë Junajtid ndodhet në vendin e 5-të ndërsa Uest Hem në vendin e 13-të.
