Udhëtimet me charter privat, të kthyra në praktikë pune pavarësisht kostos së “çmendur” në buxhetin e shtetit (përllogaritet në 19 milionë euro sipas opozitës), të cilat dolën në dritë falë hakerimit të sistemit TIMS nga HomelandJustice, kanë shtyre kreun e PD Sali Berisha të kritikojë sërish sot kryeministrin Edi Rama.
Teksa Rama akuzon opozitën dhe mediat se po dezinformojnë publikun me shifrat dhe mbrohet duke thënë se ministrat e kabinetit të tij dhe ai që nga 2013 nuk kanë fluturuar kurrë me bussines-class, Berisha e ka ironizuar me një video në rrjetin social Tik-Tok.
@prof.dr.saliberisha ♬ original sound – Sali Berisha
Në video dëgjohet Rama duke u përpjekur të justifikojë detajet e publikuara në 66 faqe me dokumente në Telegram, ndërsa Berisha ironizon duke shkruar se me shumë gjasë kryeministri mund të përdorë sërish tezën: “Fajin e ka Saliu”.
“Hajgarja e dheut! Prisni kur të thotë se 137 udhëtimet me charter janë të Saliut! Sb”, shkruan Berisha.
Rama publikoi edhe statistikat e udhëtimeve jashtë vendit të përllogaritura nga ai për dy mandatet kur vendin e drejtoi Berisha (2005-2013), duke pretenduar se fluturimet e tij kushtojnë dy herë më pak se paraardhësi i tij në qeveri.
