Autoritetet policore janë vënë në gjurmët e 45-vjeçarit shqiptar që përdhunoi një grua në stacionin e autobusit në Paleo Faliro. Mediat greke bëjnë me dije se ai ka dhunuar dhe nënën e tij.
Ndërkohë nëna ka folur për mediat vendase për dhunën dhe abuzimin që pësoi nga djali i saj.
“Ai ka vdekur për mua. Nuk mundem. E ndjej se ka vdekur. Nuk e dua. Unë jam 70 vjeç. Unë them se do të marr pension, ai po më merrte lekët. Pi cipur, pi birra. Policia erdhi këtu, gjeti një cigare hashash, unë nuk dua një fëmijë të tillë”, tha nëna e 45-vjeçarit.
Sipas dëshmitarëve të lagjes, ai shpesh kishte shpërthime të dhunshme, ndërsa zërat dëgjoheshin nga brenda shtëpisë së tij. Madje, policia është thirrur disa herë në vendngjarje.
Ndaj tij është ngritur dosje për dhunim të kryer dhe tentativë, me përdorim të forcës, kanosje me armë dhe rrëmbim.
