Kryeministri Edi Rama nuk lë takim dhe deklaratë për shtyp pa i mbushur mendjen shqiptarëve se Shqipërisë i duhet të përballojë një krizë energjitike me pasoja shumë të rënda për buxhetin e shtetit këtë dimër.
Ashtu siç e ka lidhur me luftën që solli Vladimir Putin dhe me mungesën e reshjeve, duke i ‘drejtuar” herë pas herë sytë nga Zoti, Rama në një formë apo tjetër kërkon kursimin e energjisë elektrike.
Këtë e tregoi edhe gjatë vizitës së sotme në një bujtinë në Dibër, ku pati një kritikë të rëndësishme për pronarin e saj. Rama e qortoi atë hapur për shpenzimet me energjinë elektrike, duke i kërkuar që që të fikte dritat, pasi dita jashtë ishte me diell dhe në këtë mënyrë gjithçka ndriçohet nga drita natyrale.
Të vendosur në siklet nga kryeministri Rama, të zotët e bujtinës u detyruan të fikin dritat, por i thanë se i kishin ndezur për pritjen e tij.
“Për ju i kemi ndezur, sepse ne nuk i mbajmë!”, u përgjigj pronari i bujtinës kur Rama iu drejtua duke thënë: “Vetëm një vërejtje kam unë, këto dritat ndez ditën me gjithë këtë diell…”.
“Fiki ato dritat se duhet me kursy energjinë. Ja njësoj nuk ka asnjë ndryshim. Fike dhe këtë këtu. E kemi lënë energjinë të lire”, vijoi qortimin e tij kreu i qeverisë.
Këto veprimet të Ramës për t’i mëshua idesë se ndricimi në këto kushte është luks, vijnë në një kohë që Enti Rregullator i Energjisë la në fuqi vendimin për aplikimin e fashës 800 kËh që prek mbi 71 mijë familje, në muajin nëntor.
Ndërsa vetë Rama, që pas njoftimit të ERE-s bëri të ditur se një kilovatë energji nuk do të kushtojë 42 lekë por 44 lekë, gati 5-fish më tepër.
