Nga Boldnews.al
Kastriot Gurra njihet si një nga njerëzit më të besuar të Taulant Ballës. Ai drejton Bashkinë e Librazhdit, ndërsa së fundmi ka nisur edhe “fushatën” për zgjedhjet lokale të 14 majit 2023. Me paratë e banorëve të varfër të qytezës, jo të Taulant Ballës pasi jeton në Tiranë, Gurra po vendos kamera sigurie në të gjitha rrugët kryesore të qytetit, duke “kopjuar” në këtë rast edhe Gledjan Llatjen e Elbasanit.
Edhe ky i fundit njihet si mbështetës i flaktë i Ballës, pavarësisht se Balla është deleguar në Fier. Megjithatë, ajo çka është e dyshimtë në këto tendera është vendosja e tyre në pika kyçe, që mund t’u mundësojnë militantëve të PS-së, apo punonjësit e bashkive, që të kenë akses në të dhëna personale që mund t’i përdorin për shantazhe.
Sipas dokumenteve që disponon BoldNews.al, ditët e fundit, Bashkia e Librazhdit ka shpallur fituesin e tenderit me objekt “instalim kamera sigurie në rrugët kryesore të qytetit (faza e dytë)”. Fondi limit i këtij tenderi është rreth 12.379.700 lekë pa tvsh, ose me TVSH rreth 130 mijë euro. Një shumë e konsiderueshme, pasi po kaq para’, mos më shumë, janë shpenzuar edhe për fazën e parë. Megjithatë, kjo s’e ka penguar Gurrën që të shpejtojë vendosjen e tyre, para fushatës elektorale apo edhe gjatë këtyre muajve, për t’i mundësuar përgatitjen sa më të mirë të zgjedhjeve. Ose më saktë, për të parë çdo lëvizje të kundërshtarit apo edhe të punonjësve të Bashkisë së Librazhdit, duke i penguar të angazhohen me opozitën. Në dokumente parashikohet se kohëzgjatja e kontratës është vetëm 60 ditë, pra vetëm dy muaj, ku parashikohet se kamerat do të jenë gati në muajin dhjetor!
Në dokumente thuhet se në këtë tender ka marrë pjesë vetëm një kompani, “I.S.S (INTEGRATED SMART SOLUTIONS)” me oferte ekonomike 12.196.900 ose shumë afër fondit limit, në kufirin e 130 mijë eurove me TVSH.
BoldNews.al shfletoi dokumentet shoqëruese të këtij tenderi, ku Gurra kishte kërkesa shumë të qarta. Kryetari i Bashkisë Librazhd ka kërkuar “kamera të jashtme me ngjyra 24/7, kamera e jashtme ANPR, lexues targe makine”. Pra, lexues targe makine! Po përse i duhet ky detaj Gurrës?! Për të parë çdo lëvizje apo për të identifikuar kundërshtarët e tij politikë?!
Por, kërkesat kanë vijuar, edhe me detaje Akoma më pikante. “Kamera e jashtme me panel diellor dhe bateri, kamera për numërimin e njerëzve” është një tjetër kërkesë, shumë specifike. Me këto kamera ai s’lodhet as të numërojë sa njerëz do të mbledhë kundërshtari apo sa njerëz do të mbledhë Rama apo Berisha kur të shkojnë në Librazhd. Këto tashmë i bën kamera! Nëse i duhen për qytetin, përse kërkon që të numërojë
