Presidenten e Komisionit Evropian, Ursula von der Leyen ndodhet në një vizitë zyrtare në Shqipëri.
Gjatë një deklarate për mediat, kryeministri Edi Rama ka zbardhur disa nga diskutimet që ka bërë me zyrtaren e lartë të BE-së, Von der Leyen.
“Jemi të vetëdijshëm që falë jush kemi pasur një mbështetje edhe më të madhe pas tërmetit katastrofike. Jemi të vetëdijshëm që edhe në këtë situatë të vështirë, falë qasjes së komisionit ndaj Ballkanit Perëndimor, përsëri ne nuk jemi vetëm. Kështu që unë dua ta falënderoj shumë Presidente.
Jemi në kushte që mund të themi që në pranverën 2024 do kemi hekurudhën, Tiranë Durrës Rinas. Takimi i sotëm ka një vlerë të veçantë. Presidentja na ka informuar për situatën financiare në kushtet e luftës në Ukrainë, por pasojat po ndihen në të gjithë BE. Sidomos në inflacion dhe në çmimin e energjisë. E informova për vendosmërinë për mbështetjen që kemi ne për familjet dhe biznesin e vogël.
Folëm edhe për 6 dhjetorin, Samitin e BE me Ballkanin Perëndimor. Liderët Europian dhe Ballkanit do vijnë në Tiranë për këtë samit” tha Rama.
