Nga Elliot te RedBird, fokusi i merkatos së Milanit nuk ndryshon. Klubi kuqezi do të vazhdojë të investojë te emrat e rinj me të ardhme të madhe në futbollin europian dhe njëri prej tyre është padyshim sulmuesi i Kombëtares Shqiptare, Armando Broja.
Mediat italiane vazhdojnë të këmbëngulin se Milan po interesohet gjithmonë e me shumë për 21-vjeçarin shqiptar që për momentin Chelsea e vlerëson 35 milionë euro.
“Milani ka biseduar me Chelsean që i ka dhënë çmimin final mbi bazën e të cilit duhet të ngrihen bisedimet konkrete”, shkruajnë emdiat e vendit fqinjë që shtojnë se Broja do të ishte një investim shumë i rëndësishëm për klubin që po punon të rikthejë normalitetin e financave të dëmtuara gjatë dekadave të fundit dhe 35 milionë euro nuk është një shumë e vogël në këtë optikë.
