Presidenti serb, Aleksandër Vuçiç ka zhvilluar një videokonferencë me kryeministrin, Edi Rama dhe kryeministrin e Maqedonisë së Veriut, Dimitar Kovaçevski për përballimin e krizës energjetike.
Përmes një postimi në rrjetet sociale, Vuçiç u shpreh se u diksutua për hapat e përbashkët për të siguruar një dimër të sigurt për të gjithë qytetarët e vendeve respektive, si dhe takimin e ardhshëm në kuadër të Procesit të Berlinit.
Ai theksoi se një Ballkan i hapur do të thotë paqe, prosperitet dhe një të ardhme më të sigurt për njerëzit e rajonit, duke shtuar se së bashku janë më të fortë.
“Unë fola me Edi Ramën dhe Dimitar Kovaçevskin për hapat e përbashkët për të siguruar një dimër të sigurt për të gjithë qytetarët tanë, si dhe takimin e ardhshëm në kuadër të Procesit të Berlinit, sepse së bashku jemi gjithmonë më të fortë. Presidenti i Republikës së Serbisë, Aleksandar Vuçiç ka zhvilluar një video-konferencë me kryeministrat e Shqipërisë dhe Maqedonisë së Veriut në kuadër të nismës për Ballkanin e Hapur”, shkruan Vuçiç në Instagram.
View this post on Instagram
