Deputeti i PD-së, Belind Këlliçi ka reaguar pas publikimit të të dhënave të Eurostat që tregojnë se në muajin gusht kishte 1100 kërkesa për azil nga Shqipëria, shifër kjo më e larta se Ukraina e cila është në luftë.
Këlliçi thekson se ka patur 65% aplikime për azil më shumë se vjet. Ai shton se Shqipërinë e ka pushtuar një grup hajdutësh që grabitën Partinë Socialiste për të vjedhur vendin.
Postimi i plotë i Këlliçit në Facebook:
Kush është në luftë, Ukraina apo Shqipëria?
Ka më shumë kërkesa për azil në BE nga Shqipëria sesa nga Ukraina. Të dhënat e Eurostat tregojnë se në muajin gusht kishte 1100 kërkesa për azil nga Shqipëria kundrejt 950 të tilla nga Ukraina në muajin korrik.
65% aplikime për azil më shumë se vjet! Katastrofë!
Po kush na ka pushtuar?
Janë një grup hajdutësh, që grabitën Partinë Socialiste për të vjedhur Shqipërinë.
Në çdo firmë të tyre ka një vjedhje. Në çdo tender ka një vjedhje. Vota për ta është mandat për të vjedhur. Braktisni këta, jo vendin tuaj!
