Banorët e Bërxullës kanë dalë në protestë pasi 20 banesa janë planifikuar të shemben.
Shkak është projketi që lidh Thumanë – Kashar – Fier, që prek 22 familje dhe toka bujqësore. Banorët thonë që nuk kanë asnjë vendim nga qeveria. Ata thonë se për një m2 firma do t’i shpërbleje për vetëm 4.400 lekë të vjetra duke e cilesuar si qesharake kete vlerë.
“Nuk është marrë asnjë masë nga pushteti vendor. Shteti nuk i ka kushtuar asnjë vëmendje kësaj proteste. Jemi kundër dëmshpërblimeve për cmimin 4400 lekë për m2 që është qesharak. Nuk po reagon asnjë institucion, ne nuk do tërhiqemi. Ne do i përshkallëzojmë protestat. Ne do protestojë deri sa të themi që ne e bëmë punën tonë,e dhe po vdiqëm e kemi thënë një llaf. Shpresa vdes e fundit. Ne do e fitojmë””– tha një banor.
Ndërkohë në zonë kanë mbërritur dhe disa forca policie. Kjo është hera e dytë që banorët e Bërxullës janë ngritur në protestë. Ata janë shprehur se nuk janë kundër projektit por problematika sipas tyre është te vlera e tokës dhe banesës.
