Manchester City është kthyer në fushë pas humbjes së pësuar në javën e fundit të kampionatit anglez në fushën e Liverpool-it.
Skuadra e Pep Guardiola po pret në shtëpi ekipin e Brighton, në një ndeshje të vlefshme për javën e 13-të të Premier League.
Sfida që po zhvillohet në Etihad Stadium është zhbllokuar në minutën 22-të nga i zakonshmi Erling Haaland.
Sulmuesi norvegjez ka marrë një asist të jashtëzakonshëm nga portieri Ederson dhe ka shënuar pasi ka hedhur në tokë me lehtësi një kundërshtar dhe pasi ka lënë në vend portierin.
Vazhdon ecuria e frikshme për ish-sulmuesin e Borussia Dortmund në kampionatin anglez, ku ka realizuar deri tani plot 16 gola dhe ka dhënë tre asiste.
