Partia Demokratike e drejtuar nga Sali Berisha ka nisur zyrtarisht sot procesin e primareve për të realizuar përzgjedhjen e kandidatëve për zgjedhjet lokale të vitit 2023.
Ish-kryeministri Berisha e cilësoi procesin një transformim të jetës së Partisë Demokratike në një forcë politike më të hapur. Ndërkohë, nga selia blu është zbuluar edhe udhëzimi mbi modalitetet e pjesëmarrjes së simpatizantëve në primare dhe janë përcaktuar afatet për votimin dhe përzgjedhjen e emrave.
Berisha deklaroi se të gjithë janë të lirë të paraqesin vullnetin e tyre për të kandiduar, ndërsa ftoi edhe aleatët që të propozojnë figurat, të cilët i mendojnë si të denjë për t’iu paraqitur si alternativë shqiptarëve.
VENDIMET E KRYESISE:
- Nisjen e procesit të regjistrimit të simpatizantëve të Partisë Demokratike, në të gjitha degët e Partisë Demokratike, te cilët duan të regjistrohen si votues ne Primaret e Partisë Demokratike për zgjedhjet vendore 2023;
- Kryetari i seksionit në bashkërendim me seksionin dhe Kryetarin e Grupseksionit, në përputhje me nenin 25 dhe 27 të statutit, bën regjistrimin e simpatizantëve në Degën (bashkinë) ku voton, duke plotësuar formularin personal të simpatizantit sipas shtojcës 1.
Simpatizanti mban kundra biletën e regjistrimit e cila është e vlefshme deri në momentin e pajisjes me kartën e simpatizantit.
- Simpatizanti regjistrohet duke plotësuar në mënyrë korrekte të dhënat e kërkuara në formularin e simpatizantit. Plotësimi i formularit të simpatizantit me të dhëna jo të sakta mund të sjellë mos pasqyrim e emrit të tij në listën e votuesve;
- Në të njëjtën kohë Degët, në nivel seksioni dhe grup seksioni, luajnë një rol aktiv ne përditësimin e regjistrit të simpatizantëve. Bazuar në të dhënat historike të degës për profilizimin e votuesve, seksionet dhe grup seksionet e degës marrin kontakt dhe i ftojnë të gjithë simpatizantët si dhe votuesit potenciale të PDSH-së, të regjistrohen në Primar
- Degët e Partisë Demokratike marrin të gjitha masat logjistike për regjistrimin e simpatizantëve. Konkretisht, degët sigurohen që simpatizantët dhe votuesit potencial cilët janë banorë të territorit të degës:
- Te jenë kontaktuar te gjithë me ftesën për tu bere pjese e procesit zgjedhor te Primareve
- Te kenë informacion e duhur se ku (ne cilën adrese, vendndodhje fizike) dhe si (ne cilën mënyrë), duhet aplikuar për te plotësuar formularin e simpatizantit,
Te kenë asistencën përkatëse gjatë plotësimit to formularit, nëse ata e kërkojnë një gjë te tille;
- Degët hedhin të dhënat e regjistrimit te simpatizantëve në regjistër sipas shtojcës 2 dhe më pas i përcjellin ato, pa ndryshim, ne Qendër. Degët raportojnë çdo dite për mbarëvajtjen e procesit të regjistrimit te simpatizantëve dhe dërgojnë në format elektronik shtojcën 2, të plotësuar, pranë Sekretariatit Organizativ dhe te Burimeve Njerëzore të PDSH ([email protected])
- Sekretariati Organizativ dhe i Burimeve Njerëzore, në konsultim dhe bashkëpunim te ngushtë me degët, ndërton dhe përditëson regjistrin e simpatizantëve sipas degëve, se bashku me të gjitha informacionet përkatëse shoqëruese te këtij regjistri. Për të mundësuar finalizimin e regjistrit te simpatizantëve për çdo degë, regjistrimi i simpatizantëve ndërpritet 5 ditë përpara datës se shpallur së Primareve;
- Degët e Partisë Demokratike marrin masa për ruajtjen e konfidencialitetit të të dhënave të simpatizantëve, duke administruar regjistrin e simpatizantëve me të njëjtat rregulla dhe procedura me te cilat administrohet regjistri i anëtarësisë së degës;
- Ngarkohet Sekretariati Organizativ dhe Burimeve Njerëzore dhe Degët e Partisë Demokratike, për zbatimin e këtij vendimi;
- Ky Vendim hyn në fuqi menjëherë.
