Banorët e Zharrëzës ende janë duke u përballur me ndotjen që vjen nga nafta. Gjendja është alarmante shprehen ata po pavarësisht kësaj banesat janë dëmtuar shumë nga shpimeve në zonën naftëmbajtëse dhe shpërthimet e rrezikshme.
Ndërkohë një nga banorët e Zharrëzës ka treguar se vijon të jetojë në shtëpinë e dëmtuar duke rrezikuar kështu dhe jetën.
Familja e saj prej 10 vitesh pret që banesa të rikonstruktohet por situata vijon të mbetet e pandryshueshme.
“Këtu nga 2012 e deri më sot nuk ka vënë dorë njeri. Bashkia premton se do të bëjë por se kur. Unë bashkë me burrin të sëmurë, s’kemi lekë për ta ndjekur. 50 milionë se kush i mori, ai komision… nuk e di. A jetohet këtu, as gomari s’jeton këtu! E shpallën si të pabanueshme, kemi vënë rreckat se vijnë minj e zhaba, këtej pikon. 4 veta jetojmë këtu, jemi me azëm. Edhe 30 mijë lekëshen e ndihmës financiare ma hoqën, ne të gjithë pa punë. Jam 60 vjece, ça të ha, ça të pi, e vdekur jam”-u shpreh ajo.
