E diela ka nisur me një aksident në kryeqytet, teksa dy automjete janë përplasur te mbikalimi i ish-sheshit “Shqiponja”.
Ambulanca ka mbërritur në vendngjarje dhe dyshohet se ka persona të plagosur. Ata janë dërguar në spital dhe nga të dhënat paraprake ndodhen jashtë rrezikut për jetën.
Ndërkohë, mjetet tip “Audi” dhe “Mercedes Benz” duken në pamjet që kanë pësuar dëmtime të mëdha.
Policia që ka mbërritur në vendin e ngjarjes ka nisur hetimet për shkaqet e aksidentit.
