Një grua është zhdukur si pasojë e motit të keq në Kretë të Greqisë. Nënë e dy fëmijëve është gruaja që ishte bashkëpasagjere e 50-vjeçarit të ndjerë Konstantinos Vergakis në Agia Pelagia.
Sipas informacioneve të cretapost, 50-vjeçarja sapo e kuptoi se do të mbetej e bllokuar në makinw, doli nga automjeti dhe që atëherë ajo ka humbur.
Me çdo mjet në dispozicion zjarrfikësja, roja bregdetare, pushteti vendor dhe vullnetarët janë në kërkim të 50-vjeçares.
Zhytësit po “krehin” të gjithë plazhin e Agia Pelagias në përpjekje për të gjetur ndonjë gjurmë të saj, ndërsa në të njëjtën kohë shpëtimtarët e tjerë po hetojnë zonën e mbuluar nga balta.
