Ylli i “Harry Potter”, Robbie Coltrane ka ndërruar jetë në moshën 72-vjeçare.
Menaxheri i Coltrane konfirmoi për “Associated Press” se aktori, më i njohur për rolin e tij si Rubeus Hagrid, vdiq në një spital në Skoci. Ende nuk dihet shkaku i vdekjes.
Menjëherë pas publikimit të lajmit, fansat filluan të shkruanin për aktorin e ndjerë me origjinë skoceze në të gjithë mediat sociale.
“Jam shumë i trishtuar tani! Hagridi ishte një thesar për fëmijë dhe Robi e luante aq mirë. U prehsh në paqe njeri i mrekullueshëm!!! 😭😭😭😭😭”; “Faleminderit Robbie Coltrane që na la përgjithmonë Hagridin, ti ishe një thesar. RIP 🖤”, ishin vetëm disa nga qindra komentet.
Përveç rolit si Hagrid, Coltrane ishte i njohur edhe për rolin e tij si psikologu kriminal Dr. Eddie “Fitz” Fitzgerald në serialin televiziv britanik “Cracker”. Ai ka luajtur edhe në filmat e njohur si “GoldenEye” dhe “The World Is Not Enough”.
